Geschichte :

Delinquent00

 

Bürger :

Benjamin Gassenmaier

 

Än Lamy war des net

Äm Auguscht uff äm Clubhausbalkon hockte Leit
dä gloi Gassi un d'Fußballer vun dä zweit
Die hewä gsoffe und lauter Sprich geklopft
un dä Gassi hot än Kuli ausänoannergropft!
Uff oimol steht der uff un Kotzt sich halwer aus
der hot gschpuckt und streckt sei Zunge raus.
Oan dä Mine gezorrä un gsugglt wie verrickt
un oan dä Mine noch ä bissl rumgedrickt!
Ihr kennt Eich denke was do isch bassiert
dä Gassi der war goanz verwirrt!
Die Tinte lefft aus des war net schee
Goanz schwarz war sei Zung und die Zeh!
Doch Ihr Leit, deshalb steht der net vor mir
der isch werä was goanz oannerm hier.
letscht Woch äm Marktdag än Epfebach
war dä Gassi frieh moiäns schun wach.
Korz mol in Epfebach geguckt vorbei
un doann schnell wieder Reichartshause nei!
Vun owä ind Epfebacher-Kurv fährt der mit 70 Sache
eigentlich isch des jo net zum lache.
S'war halt feicht un dä Gassi guckt dumm
un uff oimol borzlt der uff äm Boudä rum!
Seiner Oma hot der nadierlich nix verrote
sunscht kriggt der vielleicht noch dä Marktdag verbote
Geheim bleibt in Reichartshause nix, das Ihr des wisst.
Kennt Ihr Eich vorstelle, das der den Totalschade vergisst?
Zu dä Oma secht der oam Telefun uscheniert,
dä Roller hot a paar kratzer, dem isch fascht nix bassiert!
Benni, Benni, mit Dir, des wärd jo immer doller
was glabsch, wer bezahlt d'Reparatur vum Roller!
Der isch doch gnung gstrofft, wärä sich a paar denke
Doch will ich dem ä uvergesslich Erinnerung schenke!
Un deshalb, das der do draus lernt un des nie mehr vergisst
hot der des Johr als Delinquent herhalte gmisst.

zurück